Conto de Nadal

Antes de irnos de vacacións, os nenos de 5 anos puideron gozar dunha visita á biblioteca onde a súa mestra contoulles un conto. Coincidindo con estas datas, o elixido foi "Conto de Nadal".

De esta maneira despedimos o ano, vémonos á volta na nosa biblio!

 

O Concello de Ferrol, ao enterarse de que no colexio estábamos a traballar co "PROXECTO ILUSTRADO", agasallounos cuns exemplares do libro que conta a historia do ilustre Jorge Juan.

GRAZAS!

Samaín na biblioteca

 Os nenos de 3 anos visitaron a biblioteca coa súa mestra Cris, para ler un conto de Samaín.

O conto escollido foi "Corre corre, cabaciña"

*Lectura recomendada entre 3 e 7 anos.

Aos pequenos encantoulles a historia e están a desexar volver!

Día das Bibliotecas

Hoxe, 24 de Outubro, celebramos o día das Bibliotecas!

Para conmemorar este día, os nosos alumnos, desde os máis pequenos ata os maiores, estiveron un intre na biblioteca do cole.

Onde recolleron o material necesario para poder elaborar estes bonitos marca páxinas!

"Bibliotecas: leer, aprender, descubrir"

Novidades

 Na nosa biblioteca arrincamos este novo curso con novidades!

Xa podes vir descubrilas...

"A buxaina de Ucha"

 O pasado día 11 tivemos a sorte de acudir á presentación do libro de José Pardo "A buxaina de Ucha".

Onde entregáronos un exemplar asinado polo mesmo autor.

Moitas grazas!

Os tres porquiños

 Os nenos e nenas da clase de Sandra fixeron unha visita á biblioteca e gozaron do conto “Os tres porquiños” dunha maneira distinta, a través da caixa de luz.

Gustoulles tanto que están a desexar repetir…

Novidades

 Xa temos novas adquisicións na biblioteca do noso cole...

Que estaremos a argallar?

DÍA DAS LETRAS GALEGAS

 Os nosos nenos realizaron diferentes actividades durante estos días para celebrar este día festivo na nosa comunidade e coñecer un pouco máis a autora elexida este ano: Xela Arias.

Xogos, vídeos, recitado de poesías, manualidades...

Azul é peregrino

 

Desde a Asociación de Persoas Xordas de Ferrolterra, presentáronnos o conto “Azul é Peregrino”.

Os nenos puideron escoitar a historia oral e signada ao mesmo tempo, aprenderon como se din nomes de animais, cores e os seus propios.

Pasárono xenial e foi unha bonita experiencia!

Xornal mural

 Esta semana desde o proxecto Prensa - Escola, as nosas alumnas de 1º ESO-A trouxéronnos ao patio un anaco da biblioteca con este xornal mural que renovarán cada mes.

Este mes non vos podedes perder os artigos dedicados á nosa Semana Santa ferrolá e ao noso Cristo.

Feliz Día do Libro!

 Hoxe celebramos o Día do Libro desde os máis pequenos ata os máis maiores do cole.

Lembramos a importancia da lectura, compartindo entre compañeiros os nosos libros favoritos, realizando lecturas e actividades porque... lendo lendo, gozo e aprendo.

“En algún lugar de un libro hay una frase esperándonos para darle un sentido a la existencia”

 Miguel de Cervantes.